Ақша аудару

Қазіргі заманғы банктердің техникалық мүмкіндіктері әлемнің кез келген еліне барынша аз құжатпен жылдам ақша аударуға мүмкіндік береді. Осылайша ЦентрКредит Банкі арқылы туысыңызға немесе жақыныңызға ақша аударуыңызға, компаниялармен, оның ішінде шетел компанияларымен тауар және қызмет үшін есеп айырысуыңызға болады.

KoronaPay  

Сервис тек ТМД елдеріне емес, Вьетнамға, Таиландқа, Түркияға, Кореяға, Қытайға, Кипрге, Израильге және т.б. елдерге ақша аударуға мүмкіндік береді. Золотая Коронаның негізгі артықшылықтарының бірі – қолайлылық. Жеке тұлғаларға арналған ақша аударымдары алушының аты-жөнін, елін және қаласын көрсетуді ғана талап етеді. Алушы ақшаны қайдан алатынын өзі таңдайды, сервистің бүкіл әлем бойынша 30 000-нан астам пункті бар.

Аударылған қаражат бір-екі секундтан соң алушыға барады. Бұған қоса сіз кез келген уақытта сервис сайтында аударымның жай-күйін бақылай аласыз. Сайтта ақшаны интернет арқылы аударуға болатынын ескеріңіз.

Золотая Корона арқылы Қазақстан бойынша және ТМД елдеріне ақша аудару үшін ең төменгі комиссия қарастырылғанын білген жөн. Бірақ валюта айырбастай отырып, ақша аударған кезде, 0% арнайы тарифі қолданылады.

Western Union

ЦентрКредит Банкі – Western Union америкалық компаниясының серіктесі болған Қазақстандағы алғашқы банк. Сервис бүкіл әлем бойынша (200 елде 245 мыңнан астам пункт) жеке тұлғалар арасында ақша аударуға арналған, алайда заңды тұлғаларға да ақша аудару қызметін ұсынады (Quick Pay төлемдері).

Western Union артықшылықтарының арасында жеделдік пен барынша қауіпсіздікті атап өтуге болады. Мысалы, ақша аударған кезде, жөнелтуші банк қызметкерінен кейін алушыға беретін бірегей код алады. Ақшаны алу үшін алушы осы кодты айтып, төлқұжатын көрсетуі қажет. Бір аударымның ең көп сомасы 7 300 долларға жетеді. Қазақстанда ақшаны доллармен де, теңгемен де аударуға және алуға болады.

SWIFT-ақша аударымдары

Егер заңды тұлғаға банк арқылы ақша аудару қажет болса (мысалы, қандай да бір агенттік қызметінің ақысын, жоғары оқу орнында оқу ақысын төлеу), SWIFT жүйесін пайдалануға болады. Мұндай операция жүргізген кезде төлем жасауға негіз болатын құжаттың (шот-фактура, сатып алу-сату шарты, оқыту шарты) болуы, сондай-ақ банктің деректемелерін (ең алдымен оның SWIFT-коды) білу маңызды. Жүйе әлемнің кез келген елінде орналасқан кез келген банкке ақша аударуға мүмкіндік береді. Басқа артықшылықтардың қатарында – сома бойынша шектеудің болмауы және көпдеңгейлі қауіпсіздік жүйесі

Қызмет бойынша кеңес алу үшін онлайн-өтінім нысанын толтырыңыз. Сондай-ақ Банк менеджерлерімен 505 телефоны, email, Telegram немесе WhatsApp мессенджерлері арқылы хабарласуға болады.