ЖК-ні жеке тұлғалар, ҚР азаматтары тіркей алады

ЖК тіркеу қызметі тегін ұсынылады

ЖК тіркеу үшін сізге интернетке қолжетімділігі бар дербес компьютер немесе ноутбук, ҚР ҰКО ЭЦҚ және орнатылған NCALayer БҚ қажет

ЭЦҚ – бұл электрондық цифрлық қолтаңба, электрондық форматтағы өз қолыңыздың аналогы.
Сайтта https://pki.gov.kz/ ЭЦҚ шығарып, NCALayer бағдарламалық қамсыздандыруын жүктей аласыз

ЖК-ні біздің банктің BCC OFFICE жүйесі арқылы тіркеу үшін сізге қандай да бір құжаттарды жинаудың қажеті жоқ. «Цифрлық құжаттар» сервисіне сұрауды біздің қызметкерлер сіздің келісіміңізді растап, жеке куәлігіңізді ұсынғаннан кейін бірден жүзеге асырады

ЖК тіркелгеннен кейін біздің клиенттеріміз үшін ағымдағы есеп айырысу шоты мен #business virtual виртуалды картасы ашылады.

Сонымен қатар біздің клиенттер қолайлы тарифтік пакетті таңдап, интернет-банкингке қосыла алады

ЖК тіркеу онлайн режимінде жүзеге асырылады және барлық қажетті жолдар толтырылып, деректемелер енгізіліп, ЭЦҚ көмегімен қол қойылғаннан кейін іс жүзінде әп-сәтте жүргізіледі. Нәтижесінде клиент жеке кәсіпкер ретінде тіркелу дерегін растайтын хабарламаны және талонды алады

ЖК тіркеу үшін сізге кәсіпкерлік қызмет жүзеге асырылатын жер бойынша немесе өзіңіздің тіркелген жеріңіз бойынша салық органын таңдау қажет

ЭҚЖЖ – экономикалық қызметтің негізгі коды, компанияның экономикалық қызмет бағытының жалпы жіктеуіші, ол мемлекетке экономиканың түрлі секторларында бизнес туралы статистикалық деректерді жинауға және өңдеуге мүмкіндік береді.

ЖК тіркеген кезде, жеке кәсіпкерлік қызметті жүргізуді жоспарлап отырған ЭҚЖЖ-ны міндетті түрде көрсетуіңіз қажет. Егер сіз қызметтің бірнеше түрімен айналысуды жоспарласаңыз, онда ЖК тіркеуге арналған хабарламаны толтырған кезде, бірнеше ЭҚЖЖ көрсету қажет

Заңнамаға сәйкес, ҚР-да жалпы белгіленген және арнайы салық режимдері жұмыс істейді.

BCC OFFICE платформасында ЖК тіркеу процесінде сіз өзіңіздің кәсіпкерлік қызметіңіз үшін қолайлы салық режимін таңдай аласыз