«Банктер және банк қызметі туралы» Қазақстан Республикасының заңына (34-бап, 15-тармақ, 02.09.2025 бастап күшіне енеді) сәйкес Банк:

клиент банктік қарызды алаяқтық тәсілмен ресімдеуге байланысты қылмыстық құқық бұзушылық бойынша жәбірленуші деп танылған жағдайда,

1) қарыз бойынша сыйақыны және (немесе) тұрақсыздық айыбын есептеуді тоқтата тұруға;

2) берешекті өндіріп алуды және талап-арыз жұмысын тоқтата тұруға міндетті.

Өтінішті дұрыс өңдеу үшін клиент келесі құжаттарды қоса беруі тиіс:

1) Уәкілетті органның тұлғаны қылмыстық іс бойынша  жәбірленуші деп тану туралы қаулысы;

2) Қылмыстық құқық бұзушылық жасауға ықпал еткен мән-жайларды жою жөнінде шараларды қабылдау туралы ұсыным;

3) Алаяқтық туралы істі қарауға байланысты сот шешімі.

1) Тек ауызша өтінішпен немесе растайтын құжаттарды қоспай қарапайым жазбаша шағыммен жүгінеді.

2) Іске қатысы жоқ құжаттарды қоса береді (мысалы, процессуалдық шешімсіз полицияға жүгінгені туралы анықтама).

3) Қарыз берген кездегі алаяқтықты басқа негіздермен шатастырады (мысалы, қаржылық қиындықтар, жұмыстан айырылу).

4) Полицияға өтініш беру фактісінің өзі Банкті сыйақы есептеуді және берешекті өндіріп алуды автоматты түрде тоқтата тұруға міндеттейді деп есептейді.

5) Қарыз сомасы мен нақты банктің атауы көрсетілмеген құжаттарды ұсынады, бұл алаяқтықты дәл біздің Банкімізде сәйкестендіруді қиындатады.

1) Банктің атына өтініш дайындап, өтініштің мәнін нақты көрсету.

2) Міндетті растаушы құжаттарды (қаулы, ұсыным немесе сот шешімі) қоса беру.

3) Құжаттарда қарыз сомасы және кредит ресімделген банк дұрыс көрсетілгеніне көз жеткізу.

4) Құжаттарды уәкілетті орган ресімдегенін және барлық деректемесі (күні, нөмірі, қолы, мөрі) бар екеніне көз жеткізу.

5) Өтінішті Банктің ресми арнасы арқылы беру (бөлімше, интернет-банкинг, байланыс орталығы — қолдануға болатын тәсілдерге байланысты).

Иә, егер:

1) құжаттар қоса берілмесе;

2) ұсынылған құжаттар клиенттің қылмыстық іс бойынша жәбірленуші ретінде танылғанын растамаса;

3) құжаттар қарызды және оның қай банкте ресімделгенін сәйкестендіруге мүмкіндік бермесе;

4) өтініш заң талаптарына сәйкес келмесе.

Мұндай жағдайда клиентке түсіндірмесі бар негізделген бас тарту жолданады.

Банк тиісті құжаттарды алған сәттен бастап 3 күнтізбелік күннен кешіктірмей сыйақы есептеуді және берешекті өндіріп алуды  тоқтата тұруға міндетті.