Жоспар бойынша демаламыз: Қазақстандағы 2025 жылға арналған мереке мен демалыс күндері көрсетілген өндірістік күнтізбе
Өндірістік күнтізбе кәсіпорындағы жұмыс жүктемесін тиімді бөлу үшін қажет. Оны елдің барлық компаниясы өз қызметін бір жыл бұрын жоспарлаған кезде пайдаланады.
2025 жылы қазақстандықтарды көптеген демалыс күні күтіп тұр. Сонымен, бес күн жұмыс істейтіндер үшін 246 жұмыс күні болады (2024 жылы 249 күн), 119 күн демалыс және мереке күндері болады (2024 жылы 117 күн).
Бизнеске арналған шотты онлайн ашу
Бірнеше батырма арқылы қолжетімді мүмкіндіктерді пайдаланыңыз
Сонымен, 2025 жылы Қазақстанда қай күндері демалыс және мереке күндері болмақ?
Қаңтар
Екінші қыс айы қазақстандықтар үшін ерекше болмақ. Себебі сіз жексенбі күні жұмысқа шығуыңыз керек болады.
Елде жаңажылдық мереке дәстүр бойынша 1 және 2 қаңтарда жалғасады. Алайда 3 қаңтар жұмаға келеді: осылайша демалысты ұзарту үшін жұмыс күні 5 қаңтар жексенбіге ауыстырылады. Мұндай бұйрықты Еңбек және әлеуметтік қорғау министрлігі 2024 жылғы 20 қарашада дайындады. Демек, 5 күн жұмыс істейтіндер өзіндік жаңажылдық демалыс алады: қаңтардың 1-нен (сәрсенбі) 4-не (сенбі) дейін демалыс болады. Алты күн жұмыс істейтіндер үшін 3 күн, яғни – қаңтардың 1-нен 3-не дейін демалыс болады.
Бес күн жұмыс істейтіндер 5 және 6 қаңтарда жұмысқа шығуы қажет, ал 7 қаңтарда Рождество тойланады: бұл сейсенбі демалыс болады.
Ақпан
Ақпан қаңтардағы демалыстың көптігін өтейді. ҚР-да 2025 жылғы ақпанға арналған өндірістік күнтізбе бойынша тек сенбі және жексенбіде белгіленген демалыс күндері, яғни 8 демалыс күні болады.
Наурыз
2025 жылғы наурыз Қазақстанда демалыс және мереке күндерінің санымен қуантатын болады. Бұл айда екі маңызды мереке бар, алдымен халықаралық әйелдер күні, содан кейін Наурыз. Сонымен, біз 2025 жылғы наурыз айында қалай демаламыз?
8 наурыз 2025 жылы сенбіге келеді. Сондықтан қазақстандықтар 10 наурызда қосымша демалыс алады (бұл дүйсенбі).
Наурыз мейрамы 21-23 наурыз аралығында өтеді. 2025 жылғы Наурызда қалай демаламыз? Демалыс және мереке күндері 21-25 наурыз аралығында болады. Мерекенің өзі жұмадан жексенбіге дейін созылады. Сондықтан ел тұрғындарын 24 және 25 наурызда (дүйсенбі және сейсенбі) қосымша демалыс күтіп тұр. Қазақстанның басты мемлекеттік мерекесіне 2025 жылы 5 күн беріледі.
Сәуір
2025 жылғы сәуірде Қазақстанда мереке жоқ: бес күн жұмыс істейтіндер тек 4 жұп дәстүрлі демалыс – сенбі және жексенбі күтеді.
Мамыр
Мамырда қаңтар немесе наурыз айларындағыдай мереке көп болмаса да, дәл осы айда үш маңызды күн бар.
1 мамырда Қазақстанда маңызды мемлекеттік мереке – Қазақстан халқының бірлігі күні атап өтіледі. Бұл 2025 жылғы бейсенбіге түсіп тұр.
7 мамыр – Қазақстандағы тағы бір ресми мереке. Бұл – ҚР Қарулы Күштеріне қатысқандардың барлығына құрмет көрсетілетін Отан қорғаушылар күні. 2025 жылы мереке сәрсенбі күніне келеді, осылай бұл демалыс күні болады.
Тағы 2 күннен кейін жұма Жеңіс күні тойланады.
Әзірге демалыс күндерін ауыстыру туралы ақпарат та, бұл мәселе бойынша ресми мәлімдеме де жоқ. Қазіргі уақытта осы үш күн ғана демалыс күндері. Мерекелерден басқа, бес күн жұмыс істейтін қазақстандықтарда көктемнің соңғы айында 9 стандарт демалыс күні болады.
#TravelCard — саяхатқа арналған артықшылықтары бар карта
Әуебилет сатып алу, қонақ үйде тұру және жалға автокөлік алу үшін жеңілдіктер мен кэшбэк алыңыз
Маусым
Маусымда 9 демалыс күні бар (5 күндік жұмыс аптасы үшін): 4 сенбі және 5 жексенбі. Қазақстан азаматтары 6 маусымда қосымша демалады. Бұл күні Қазақстанда Құрбан Айт ұлттық діни мерекесі атап өтіледі. Мереке мұсылмандар үшін маңызды, өйткені ол қажылықтың аяқталуын білдіреді. Бұл күні дәстүр бойынша құрбандыққа қой сойып, оның етін мұқтаж жандарға бөліп береді.
Шілде
Айдың басты оқиғасы – Астана күні (6 шілде). 2025 жылы бұл мереке жексенбі күні болады. Сондықтан 7 шілде, дүйсенбі қосымша демалыс күні болып белгіленді. 5 күн жұмыс істейтіндер 5 шілде сенбіден 7 шілде дүйсенбіге дейін үш күн демалады.
Тамыз
Тамыз айында жағдай алдыңғы айға ұқсас. Айдың басты мерекесі – Конституция күні 30 тамызда, яғни сенбі күні атап өтіледі. Қосымша демалыс жоспарланған, дегенмен ол 1 қыркүйек күні (дүйсенбі) болады. Осылайша бес күн жұмыс істейтін қазақстандықтарды тағы да үш күндік демалыс күтіп тұр.
Қыркүйек
1 қыркүйек демалыс күнінен басқа, ел тұрғындарында қыркүйек айында стандарт сенбі (4) және жексенбі (4) демалыс күндері болады.
Қазан
Айдың соңында, 25 қазан күні Республика күні атап өтіледі. Бірақ бұл сенбіге түскендіктен, қазақстандықтар 27 қазан, яғни дүйсенбі күні демалады.
Қараша
Бұл айда маңызды мемлекеттік мерекелер жоқ, 5 сенбі және 5 жексенбі демалыс болады. Барлығы – бес күн жұмыс істейтіндер үшін 10 демалыс күні болады.
Желтоқсан
Желтоқсан айында барлығы жаңажылдық шағын демалысты асыға күтеді. Алайда айдың ортасында да демалыс бар: 16 желтоқсан Тәуелсіздік Күнін атап өтеміз. Демалыс сейсенбіге түседі, әзірше демалысты ауыстыру жоспарланбаған.
Өндірістік күнтізбе жұмыстың тоқтап қалуына және соның нәтижесінде пайданы жоғалтып алуға жол бермей, өз жұмысын жоспарлай алатын бизнес үшін ғана маңызды емес. Жұмыскерлер өзінің жеке уақытын дұрыс басқару үшін демалыс және мереке күндері туралы білуі қажет. Мысалы, тіпті үш күндік демалыс күндерін көрші қалаға немесе тіпті басқа елге саяхаттау үшін пайдалануға болады. Жұмыстан шаршамаудың бір кепілі – уақытында демалу, тек демалып алған маман ғана тиімді жұмыс істейді.