Қазақстанда төлем жасауға шотты онлайн қалай ұсынуға болады: заңды тұлғалар үшін қадамдық нұсқаулық

ҚР-да сатып алушы тауар мен көрсетілген қызмет ақысын төлей алуы үшін төлем жасауға арналған шот қажет, оны онлайн режимінде жасаған ыңғайлы әрі жылдам. Бұл – контрагенттер арасында есеп айырысқан кездегі негізгі құжаттардың бірі. Ақшаны сатушының немесе қызмет көрсетушінің шотына аудару оның қаншалықты дұрыс толтырылғанына байланысты болады.

Құжатты жасаған кезде, нені есте сақтаған жөн? ЖК-ге (-ден) төлем жасауға шотты онлайн қалай ұсынуға болады?

Құжаттың ерекшеліктері

Құжатта маңызды мәліметтер көрсетіледі. Мысалы, жеткізілген тауарлардың саны, екі тараптың банктерінің деректемелері, төленетін сомасы, заңды тұлғаның мекенжайы және т.б.

Төлем жасауға арналған шот ҚР Қаржы министрлігі бекіткен нысан бойынша жасалатын құжаттар тізбесіне кірмейді (2012 жыл). Оның жасалуы «Бухгалтерлік есеп туралы» заңмен регламенттелген. Бұл заң ЖК мен заңды тұлғаларға нысанды дербес әзірлеуге мүмкіндік береді, алайда онда міндетті түрде кейбір деректер (құжаттың атауы, күні, ұйымның атауы, операцияның мазмұны және т.б.) жазылуы тиіс. Кейбір жағдайларда қосымша деректемелер талап етілуі мүмкін.

Төлем жасауға арналған шот орыс немесе қазақ тілдерінде жасалады.

Төлем жасауға шотты онлайн қалай жасауға болады?

Шот ұсыну үшін арнайы ресурстарды немесе банктік қолданбаны пайдалануға болады. ЦентрКредит банкінің business қолданбасы арқылы ЖК-ке төлем жасауға шотты қалай ұсынып, жіберуге болатынын қарастырайық:

1. Мәзірде «Шот ұсыну» қойындысын таңдаңыз.

2. Жаңа бетте «Төлем жасауға шот ұсыну» батырмасын басыңыз (ол ең төменде орналасқан).

3. Контрагенттің деректемелерін толтырыңыз. Бұл – БСН, санаты (екі тармақ – тауар немесе көрсетілген қызмет), төлем мақсатының коды. Кодты таңдау үшін қанат белгісін басып, қалқымалы мәзірде тиісті тармақты басыңыз. Мысалы, 710 – «Жылжымайтын мүлікті қоспағанда, тауар үшін төлем жасау».

4. Егер шарттың күні мен нөмірі көрсетілген жолды қосу қажет болса, жүгірткіні оңға жылжытыңыз – қосымша бағандар пайда болады. «Әрі қарай» батырмасын басыңыз.

5. Алушының деректерін тексеріңіз, тауарды немесе қызметті таңдаңыз. Егер сізде тауар көрсетілмеген болса, «Тауар қосу» батырмасын пайдаланыңыз. Жаңа тауар туралы деректерді енгізуге немесе алдын ала жасалған анықтамалықтан өзіңізге қызықты тармақты таңдауға болады. Тауарды қосқан кезде, оның атауын, өлшем бірлігін және бағасын көрсету қажет.

6. Тауарды таңдағаннан кейін, оның санын жазыңыз. «Әрі қарай» батырмасын басыңыз.

7. «Мәліметтер» терезесінде қаражат есепке алынатын шотты таңдаңыз, көрсетілген соманың ерекшеліктерін көрсетіңіз (ҚҚС-мен немесе ҚҚС-сыз), қажет болған жағдайда «Хабар» блогын толтырыңыз. Осы блокта көрсетілген ақпаратты сіздің контрагентіңіз көре алады. «Сақтау» батырмасын басыңыз.

8. Енгізілген ақпаратты тексеріңіз. Егер ол дұрыс болса, «Жіберу» батырмасын басыңыз. «Жіберу» батырмасымен қатар «Сақтау» батырмасы бар екеніне назар аударыңыз. Бұл батырма, мысалы, құжатты кейінірек контрагентке жіберу үшін оны сақтауға мүмкіндік береді.

Сондай-ақ төлем жасауға шотты ұсыну бойынша бейненұсқаулықпен business қолданбасы арқылы таныса аласыз.

Контрагент төлем жасап, ақша сіздің шотыңызға аударылғаннан кейін сізге Push-хабарлама келеді. Төлем жасауға шотты қалай төлеуге болады? Сатып алушы есеп айырысуды өз банкінің интернет-банкингі арқылы жүргізеді, төлем тапсырмасын жасап, оны төлеу қажет. Процедураға бірнеше минут кетеді.

Төлем жасалған сәтке дейін құжат контрагентке есеп айырысу қажеттігі туралы хабарлап, бағаны бекіту мақсатын ғана көздейтінін ескеріңіз. Алайда тауар мен көрсетілген қызмет ақысы төленгеннен кейін, шот мәміленің жасалғанын растайтын толыққанды бастапқы құжатқа айналады.

Құжатты онлайн режимінде дайындау барынша аз уақыт алады. Алайда барлық жолды дұрыс толтырып, енгізілген ақпаратты мұқият тексеру маңызды, бұл жағдайда төлем мүмкіндігінше тез жасалады.