Қазақстандағы онлайн инвестициялық калькулятор: бұл не және оны қалай пайдалануға болады?

Адамдар қосымша табыс табу үшін инвестиция салады. Бірақ қандай сомаға сене алатыныңызды, қай кезеңге инвестиция салу жақсы екенін және сізге қандай бастапқы капитал қажет болатынын білу маңызды. Инвестициялардың кірістілігін болжау, оңтайлы мерзім мен капиталды есептеу үшін онлайн инвестициялық калькулятор қолданылады. Есептеулер қайта инвестициялау (бұл термин айналымнан кіріс алу мақсатында пайда салуды білдіреді) арқылы жүргізілсе, онлайн-калькулятор күрделі пайызды қолданады, ал егер қайта инвестициялау болмаса – қарапайым пайызды қолданады.

Жинақ калькуляторы қандай тапсырмаларды шешеді?

Сервис келесі мүмкіндіктерді ұсынады:

1. Табыстылықты анықтау. Қажетті соманы жинау үшін инвестордың қанша ақша салу және қандай пайызбен салу керек екенін білуі маңызды. Бұл сервистің ең жиі қолданылатын функциясы, көбіне ол кірістілік калькуляторы ретінде қолданылады.
2. Пайыздық мөлшерлемені есептеу. Қорытынды сома бастапқы капитал мөлшерінен кем емес мөлшерлемеге байланысты.
3. Бастапқы капиталдың мөлшерін анықтау. Егер мөлшерлемені және түпкілікті мақсатыңызды білсеңіз, онда инвестициялау сомасы туралы шешім қабылдау ғана қалады.
4. Инвестициялау мерзімін есептеу. Теңгедегі күрделі және қарапайым пайыздың инвестициялық калькуляторы кіріс деректерін (мөлшерлеме, бастапқы капитал) ескере отырып, инвесторға өз мақсатына жету үшін қанша уақыт қажет екенін түсіндіреді.
5. Толықтыру сомасын есептеу. Мәселен, егер депозит емесе жинақ шотын тұрақты түрде толықтырып отырсаңыз, қорытынды сома артады. Мақсатыңызға қашан жететініңізді білу үшін қандай соманы толықтыру қажет екенін нақты білуіңіз керек. Бұл сұрақтың жауабын салымға немесе жинақ шотына арналған онлайн калькулятор береді.

Қайта инвестициялау туралы толығырақ

Егер инвестор инвестициядан кіріс алып, содан кейін пайда табу үшін оны қайта салса, бұл қайта инвестициялау деп аталады. Калькулятор қайта инвестициялауды әртүрлі кезеңдікпен – ай сайын, тоқсан сайын, жарты жылдық және жыл сайын есептей алады. Жоғарыда айтылғандай, қайта инвестициялау жағдайында есептеу күрделі пайыз формуласы арқылы жүргізіледі.

Күрделі пайыз дегеніміз не? Бұл үлкенірек сомаға есептелетін пайыз. Сома үнемі өсіп отырады, сондықтан инвестордың кірісі де артады.

Күрделі пайыз формуласы келесідей:

A = P(1 + r/n)^nt.

Бұны төмендегідей түсіндіруге болады:

1. А – түпкілікті соманы (яғни инвестор алатын кірісті) білдіреді.
2. Р – бастапқы капитал (нақты қаржылық мақсатқа жету үшін салынатын сома).
3. r – жылдық пайыздық мөлшерлеме.
4. n - пайыздар есептелетін кезеңдердің саны (мысалы, кезең бір жыл болса, онда n 12-ге тең).
5. t  – инвестициялау мерзімін жылдармен көрсетеді.

Қайта инвестициялау болмаған жағдайда, қарапайым пайыз қолданылады. Олардың формуласы біршама қарапайым: A = P × (1 + r × t). Көріп отырғанымыздай, онда n көрсеткіші есепке алынбайды, ал басқа айнымалылар сақталады.

Қарапайым және күрделі пайыздың айырмашылығын көру үшін мысалды қарастырайық. Әлдебір азамат 500 000 теңге инвестиция салады делік. Оның мерзімі – 7 жыл. Мөлшерлемесі – 10%. Айтылған 7 жылдан кейін оның қанша ақшасы болады?

Қайта инвестициялау жағдайында (мысалы, 1 ай жиілігін алайық) есептеулер келесідей жүргізіледі:

A = P × (1 + r/n)^nt = 500 000 × (1 + 0,112)12 × 7 = 1 004 000 тенге.

Қайта инвестициялау қолданылмаса, есептеулер келесідей болады:

A = P × (1 + t × r) = 500 000 × (1 + 7 × 0,1) = 850 000 тенге. 

Осылайша, екі есептің арасындағы айырмашылық 154 000 теңгені құрайды. Демек, қайта инвестициялау осыған ұқсас мерзімде бірдей пайыздық мөлшерлемемен көбірек кіріс алуға мүмкіндік береді. ЦентрКредит Банкінің веб-сайтындағы инвестициялық калькуляторды қолдануға болады. Біз инвестицияларды мақсатқа жету мерзімі және толықтыру мөлшері сияқты екі танымал критерий бойынша талдауды ұсынамыз. Бұл сізге инвестиция әлемінде бағдар алып, нақты қаржылық мақсат қоюға мүмкіндік береді.