Алматыда ЦКБ қолдауымен "Қазақстан бойынша 100 мүгедектер арбасы" акциясы өтті
Алматы қаласында Dos Ortopedia компаниясы ұйымдастырған "Қазақстан бойынша 100 мүгедектер арбасы" қайырымдылық акциясы аясында тұрғындарға 20 арба табысталды. Бұл шара ерекше қажеттіліктері бар жандардың өмірін жақсартуға және инклюзивті қоғам құруға бағытталған. Іс-шара ЦентрКредит Банкінің қолдауымен өтті.
"Dos Ortopedia өз миссиясының аясында азаматтарды мүгедектер арбасымен қамтамасыз етіп қана қоймай, сонымен қатар оларды осы саладағы сапалы шешімдер туралы хабардар етіп келеді. Біз сапалы жабдықтың артықшылықтарын көрсетуді міндетіміз деп санаймыз. Жыл сайын біз қолдау көрсетуді арттырудамыз, оның ішінде
паралимпиадашылар мен аз қамтылғандарға көмектесудеміз. "Қазақстан бойынша 100 мүгедектер арбасы" жобасы әрі қарай жалғасады, келесі жылы біз арбалар санын 200-ге дейін арттыруды жоспарлап отырмыз. Мұның барлығы бүкіл Қазақстан бойынша әрбір жан еш кедергісіз, лайықты өмір сүре алатын тең қоғам құруға бағытталған»,", - деп атап өтті Dos Ortopedia компаниясының маркетинг және PR бөлімінің басшысы Сұлтан Қоңырбасов.
"Банк әлеуметтік жобаларға қатысып, қоғамға үлес қосуға басымдық береді. Біз тең орта құруға бағытталған бастамалар аясында күш біріктіре отырып, баршамыз үшін тұрақты әрі әділ қоғам құруға ұмтыламыз», - деді ЦентрКредит Банкінің PR директоры Сәкен Нығмашев.