ЦентрКредит Банкі ҚР банктері арасында S&P агенттігінің ең жоғары ESG бағасына ие болды

2024 жылғы 2 қыркүйекте S&P Global Corporate Sustainability Assessment (S&P Global CSA) аясында «Банк ЦентрКредит» АҚ-қа 61 балл (100 балдан) берілді, бұл Қазақстан Республикасының екінші деңгейдегі банктері арасында ең жақсы нәтиже болды.

Банк экологиялық аспект бойынша 65 балл («E», Environmental Dimension), әлеуметтік аспект бойынша 56 балл («S», Social Dimension), ал басқару және экономикалық аспект бойынша 63 балл («G», Governance & Economic Dimension) алды.

Жаһандық банк индустриясындағы позиция тұрғысынан «Банк ЦентрКредит» АҚ 2023 жылғы қаржы нәтижелері бойынша S&P Global CSA бағалауына қатысқан әлемнің барлық банкі арасында үздік 10% (91-ші перцентиль) қатарына енді (BNK - Banks саласы).

«Банк ЦентрКредит» АҚ-тың 61 балл деңгейіндегі бағасы 91-ші перцентильмен үйлесімде Банктің орнықты даму саласындағы тәжірибені ұстанатындығын куәландырады. Бұл мемлекеттің, инвесторлардың және өзге де мүдделі тараптардың қаржы институттарының ESG бейініне назарының артуын ескергенде ерекше маңызды, сондай-ақ оның банк секторындағы жаһандық бәсекелестерімен салыстырғанда көшбасшылығын көрсетеді.

S&P Global Corporate Sustainability Assessment – бұл S&P Global холдингінің компаниялар қызметін орнықты даму тұрғысынан жыл сайынғы бағалауы, оның аясында компаниялар 0-ден 100-ге дейінгі балдық шкала бойынша баға алады, мұнда 100 балл – ең үздік нәтиже. S&P Global CSA бағалауы The Sustainability Institute by ERM институты дайындаған «Rate the Raters 2023» есебіне сәйкес, көптеген инвестор мен компанияның пікірі бойынша ең сұранысқа ие, пайдалы әрі сапалы ESG бағалауларының бірі болып танылады.

S&P Global – құрамына S&P Global Market Intelligence компаниясы кіретін, бүкіл әлем бойынша компаниялар үшін ESG бағасын беру жөніндегі қызметті ұсынатын америкалық жария холдинг.