ЦКБ-мен бизнес-кездесу: кім болды және олар нені талқылады
Өткен жұмада ЦентрКредит Банкі қазіргі жағдайларда тиімді басқару және маркетинг бойынша бизнес-кездесуде қазақстандық кәсіпкерлердің басын қосты. Бизнесті дамыту болашағы мен оның қажеттіліктері, экономикадағы жеткізу тізбегінің маңызы, сондай-ақ осы процестерді оңтайландыру мүмкіндіктері талқыланды.
Кездесуде спикерлер ретінде Арманжан Байтасов (Forbes.kz), Игорь Манн (маркетер, спикер, автор, баспагер), Антон Манин (ЦентрКредит Банкінің жеткізу тізбегін қаржыландыру дирекциясының басшысы), Құмар Мұсаев (серіктес әрі Kaizer Center бірлесіп негізін қалаушы) сөз сөйледі.
Антон Манин шағын дүкендерден қолма-қол ақша жинап, оларды банкке жеткізетін дистрибьюторларды мысалға ала отырып, өнімнің қымбаттауы және артық ақша айналымы мәселелерін қозғады. Оның айтуынша, QR-төлемді енгізу шығынды азайтып, барлық қатысушы үшін процесті оңайлататын қарапайым әрі тиімді шешім болып шыққан. Сондай-ақ Банк бизнес-клиенттерге кредит беруді, эквайрингті және қашықтан шот ұсынуды қоса алғанда, күнделікті міндеттерді тиімдірек шешуге көмектесетін өз өнімдерін ұсынды.
ТМД-да танымал теоретик және маркетинг жөніндегі кітаптардың авторы, «Манн, Иванов және Фербер» баспа үйінің негізін қалаушылардың бірі Игорь Манн қазіргі бизнес үшін өте өзекті екі тақырыпты – жылдам нәтижелер маркетингі және клиенттерді ұстаудың тиімді жолдары тақырыптарын ұсынды.
Бизнесмен және Қазақстандағы Forbes баспагері Арманжан Байтасов бизнесте креативті ойлауды қолдану туралы айтты.
Құмар Мұсаев сапаны үздіксіз арттыруға және өндіріс шығындарын азайтуға назар аударылатын жапондық кайдзен философиясын қолдану бойынша нақты тәжірибелер тақырыбын ашты.
«Клиенттер бизнесінің Банкпен бірге дамуы оның күш-жігерінің тиімділігін растайды. Біз бизнес-процестерді оңайлату және шығындарды азайту үшін заманауи технологиялар мен қаржы құралдарын пайдаланудың әлеуеті зор екенін көріп отырмыз. Клиенттерімізбен және серіктестерімізбен өзара іс-қимыл бізге олардың қажеттіліктеріне жауап беретін және тұрақты дамуға ықпал ететін шешімдер табуға мүмкіндік береді», – деп атап өтті ЦентрКредит Банкінің вице-президенті Нұрлан Шегебаев.