ЦКБ – Еуропа қайта құру және даму банкінің нұсқасы бойынша Қазақстандағы сауданы қаржыландыру өнімдерін шығаратын ең белсенді банк

2024 жылдың 14 мамырында Ереванда (Армения) ЕҚДБ Сауданы жеңілдету бағдарламасының (TFP) ақпараттық сессиясы шеңберінде марапаттау рәсімі өтті.

Іс-шара ЕҚДБ-ның 33-ші жыл сайынғы отырысы мен бизнес-форумы аясында өтті, жиында ЦентрКредит Банкіне Қазақстандағы ең белсенді эмитент-банк ретінде тағы бір сыйлық табыс етілді. Номинация бойынша жеңімпаздар ЕҚДБ TFP бағдарламасы бойынша орындалған транзакциялар саны негізінде анықталады.

«ЦКБ – сауданы қаржыландыру өнімдері бойынша Қазақстандағы жетекші банктердің бірі, контрагенттердің кең желісіне және халықаралық банк нарығында оң беделге ие. Біз үшін банктің сауданы қаржыландыру саласындағы жетістіктері мен белсенділігі ЕҚДБ тарапынан еленуі үлкен мәртебе. Айта кетсек, ЕҚДБ TFP бағдарламасына қатысу клиенттерге қолайлы шарттармен бүкіл әлем бойынша халықаралық саудаға қол жеткізуге мүмкіндік береді, сондай-ақ халықаралық сауданы қаржыландыру нарықтарында банкті тану және оған деген сенім деңгейін арттырады. Біздің номинациядағы жеңісіміз клиенттеріміздің адалдығы мен ЦКБ командасының кәсібилігінің арқасында мүмкін болды. Біз ЕҚДБ-мен одан әрі жемісті ынтымақтастық пен бірлескен транзакциялардың ұлғаюына үміттенеміз», – деп түсіндірді ЦентрКредит Банкінің вице-президенті Нұрлан Шегебаев.

ЦентрКредит Банкі көптеген жылдар бойы аккредитивтерді шығару және растау мәртебесінде ЕҚДБ TFP бағдарламасының қатысушысы болды, бұл клиенттер мен контрагенттер үшін сауданы қаржыландыру өнімдерінің құнын төмендетуге бірегей мүмкіндік ашады.

TFP бағдарламасы аясында ЕҚДБ халықаралық коммерциялық банктерге кепілдіктер береді, осылайша ЕҚДБ жұмыс істейтін аймақтарда ЦентрКредит Банкі жүргізетін операциялар үшін саяси және төлем тәуекелдерін жабады.

ЦентрКредит Банкі ЕҚДБ-мен бірлесіп аккредитивтерді, резервтік аккредитивтерді, қарсы кепілдіктер мен кепілдіктерді қоса алғанда, сауданы қаржыландыру құралдарының барлық түрлерімен жұмыс істейді. Бұл құралдарды тауарлардың барлық түрлерінің импорты мен экспортын қолдау үшін пайдалануға болады.

ҚНРДА 03.02.2020 ж. №1.2.25/195/34 лицензиясы