ЦКБ Алматыда өткен алғашқы Орта Азиялық SWIFT конференциясына қатысты
22 мамырда Алматыда SWIFT халықаралық төлем жүйесі ұйымдастырған бірінші Орта Азиялық SWIFT конференциясы өтті. Іс-шарада Орта Азияның бес еліндегі банк делегаттары бас қосып, инновацияларды, үздіксіз транзакцияларды және комплаенс, идеялар, білім және тәжірибе алмасу жайлы ой өрбітті.
Конференция аймақтағы төлем технологиялары саласындағы мамандар үшін айтулы оқиға болды. Банк өкілдері қазіргі нарық үрдістерін талқылап, жүзеге асырылып жатқан жобалар, соның ішінде алаяқтықпен күресу шаралары туралы пікір алмасты.
«Біз серіктесіміз – халықаралық SWIFT корпорациясы ұйымдастырған осы шара аясында төлем технологиялары нарығындағы қазіргі тенденцияларды талқылап, әріптестерімізбен тәжірибе алмаса алғанымызға қуаныштымыз. Swift Central Asian Conference төлем жүйелері нарығындағы озық тәжірибелер мен жаңа технологиялармен алмасудың маңызды алаңына айналды», - деді ЦентрКредит Банкінің Төлемдерді өңдеу және карталық бизнесті қолдау дирекциясының басшысы Шынар Әлішева.
«Орта Азиялық SWIFT конференциясы белді сарапшыларды, қаржы институттары мен технологиялық компаниялардың өкілдерін қаржы секторындағы инновацияларды талқылау және ілгерілету үшін біріктіреді. Бұл – қатысушылар үшін озық тәжірибе алмасуға және нарықтағы жаңа технологияларды зерттеуге тамаша мүмкіндік», - деді Матвей Геринг, Swift-тің Ресей, Орта Азия және Кавказ аймағының басшысы.